زوج يروي تفاصيل حياتة الزوجية ويقول عن زوجتة -طيبة وشاطرة ونظيفة بس تخينة قوي ومفيش جاذبية

انا متجوز من ٧ سنين وبحب مراتى جدا جدا وكانت كل حاجة بيننا طبيعية وبصراحة استحملتنى كتير وصبرت على ظروفى إلى حد ما ربنا فرجها والحمد لله على كل حال

المشكلة ان مراتى مليانة شوية وزادت اكتر بعد الولادة خصوصا انها عندها مشكلة هرمونات دايما مش بيخلى وزنها ينزل سهل ومش دى المشكلة اصلا انا بحبها كدة علشان المهم مبقتش مهتمة بنفسها الا لما اطلب منها تحط حاجة حتى لو شوية ميكب خفيف ببقي محتاج حاجات فى العلاقة ..

. تعملها بس إرضاء ومن غير نفس وانا فى حاجات بحبها زى اى راجل وانا مش بطلب حاجة حرام او حاجة وحىشة ومفيش انجذاب ليها نهائى فى اى حاجة فمش عارف اعمل اية مش عاوز اخسر مراتى لانى بحبها بس مش بحس بأى متعة فى العلاقة معاها ولا انجذاب لدرجة انى بقعد حوالى شهرين مش بقرب منها وبتطلبها منى كتير فى أوقات بطنش وأوقات بيبقى فعلا مفيش وقت ولا مجال واتكلمت معاها كتير فى أنها تتغير وتحاول تظهر اودام جوزها وتجذبة ليها تهتم مرة وبعد كدة مفيش هية حلوة ونضيفة جدا وكل حاجة بس مش مهتمة بنفسها من ناحية شكل أو مظهر وبتبقي مبسوطة فى العلاقة بس انا لا مش اوى ومفيش اى انجذاب ليها حتى بشوية احمر ولا حاجة وبعدين بشوف البنات برة بلاقيهم حلوين وحاطين كافو انواع المكياج فى الشارع واقول لنفسى إذا كان كل دول فى الشارع كدة اومال فى بيتها عاملة ازاى وبقيت اقارن وانا لا ببص لواحدة ولا بعمل العادة ولا كان ليا اى علاقات قبل الجواز أو بعدة غير مراتى فمش عارف اعمل اية .

انا اتكلمت مع مراتي كذا مرة وحاولت اقولها انا بحب كذا وكذا مفيش فايدة وانا راجل وليا احتياج زى اى شخص طبيعى لانى تعبت وهية كمان تعبت من بعدى عنها لدرجة أنها بتقعد تقولى مش مسامحاك على بعدك عنى وتقعد تعيط انا تعبت جدا ومش عارف اعمل اية وبحبها جدا وعمرى ما اقدر استغنى عنها