هجوم علي المطربة بوسي بسبب عدم حضورها عزاء والدها اونعية
تعرضت المطربة بوسي بهجةم عنيف من جانب رواد مواقع التواصل الاجتماعي عقب وفاة والدها وعدم اهتمامها بة واقامة عزاء لة بل انها لم تحضر من الاصل لوداع جثمان والدها البوست التالي علي موقع فيس بوك
اللي عملته الفنانة بوسي بعد وقبل وفاة والدها وتجاهله تماما وعدم حضور جنازته أو إقامة عزاء له أو حتى كتابة بوست عنه هو نتيجة طبيعية لأي أب أو أم ترمي عيالها وتستخدمهم "كارت" للضغط على زوجها أو للضغط على مراته في أي خلاف بينهم أو حتى "فراق بغير المعروف" يعني مش بالأصول.
الفراق اللي فيه ظلم ربنا نهى عنه، طرف بيشيل إيده تماما وبيتخلى عن مسؤوليته بخصوص ولاده ويحرمهم، بيخلي طرف واحد شايل الهم طول حياته ومتهان ومتمرمط علشان يوفي طلباتهم أو يعلمهم أو أو ومش مستمتع بحياته طول الوقت، والطرف التاني ولا على باله وعايش حياته، فمن المنطقي أكيد إن الظلم ده له عاقبة لازم نتحاشاها ونعمل حسابها ونحطها قدام عنينا كويس من باب (من زرع حصد).
اعرف/ي إنه مع الوقت بيتحول "رباط الدم والرحم" اللي بين الأب أو الأم وابنها أو بنتها إلى "أشد العداوة"، يعني بيتحول إلى "عدو" متربص بك، مستني ضعفك وزوالك أو زوال أي خير عندك وحلول كل شر بك، ولو إنت في نهاية حياتك ضعيف ومعدم هيكون أقلها إيلاما هو إنه يتجاهل موتك وممكن يفرح ويحتفل به بينه وبين نفسه.
