مفيش بنت شوفتها اتنازلت و متعايرتش..حتي اللي ساجدة فكرت نفسها داخله الجنة..

تداول رواد موقع التواصل الاجتماعي فيس بوك كنشور للصحفية رشا لاشين علقت خلالة علي قضية مطرب المهرجانات وزوجتة التي كانت قد شغلت رواد مواقع التواضل الاجتماعي وقالت رشا لاشين في البوست

مفيش بنت شوفتها اتنازلت و متعايرتش..حتي اللي ساجدة فكرت نفسها داخله الجنة..

بنت كانت متجوزة فى دبى، جوزها معندوش شقة هنا، باباها رفض غير لما يجيب شقة هنا، وقفت و قالت لأبوها يجيب منين يعنى ! يسرق ؟ بعد ما اتجوزوا و سافروا دبى سمعته بيكلم مامته بيقولها تلاقيها مكنتش لاقية حد يتجوزها علشان كده قبلت..

بنت و هى بتتجوز، باعت جزء من شبكتها علشان ميتحوجش لحد، قالتله بعد ما نتجوز تبقى تجيبلى احسن منها..مع اول خناقة قالها ده انتى بعتى دهبك من ورا اهلك علشانى الله اعلم ممكن تبعينى علشان مين ولا تعملى من ورايا ايه.

مستلزمات العروس

بنت تانية و هى بتتجوز جابت الفستان و الميكب ارتست و الشعر على حسابها و فهمت اهلها انه مديها الفلوس دى..بعد الجواز قالها انتى كنتى لاقية حد يتجوزك ده انتى كنتى هتموت علشان يحصل.

الخلاصة : في من ده كتير .. وعمرى من الجيل الجديد ما سمعت الا قليل جداً عن بنت اتنازلت و جوزها قدرها..اهلنا زمان كان عندهم احساس علشان كده الست لما كانت بتضحى كانت بتتقدر و تتشال على الراس..دلوقتى بيتقال عليها عنست ، بايرة ، مش لاقية ، مسروعة على الجواز.

مفيش اصول

. المفاهيم أتغيرت، ولاد الأصول بقوا قليلين، ف متجيش ع نفسك وتتنازلي او ترضى بالقليل. افتكري دايمًا إن إللي قبلينا قالوا (إللي معهوش ميلزموش) فمتقللوش من نفسك