آخر تطورات الحالة الصحية للدكتور هاني الناظر على لسان ابنته

يتابع عدد كبير من الأشخاص تطورات الحالة الصحية للدكتور هاني الناظر، طبيب أمراض الجلدية الشهير، خاصة بعد الوعكة الصحية التي تعرض لها في الفترة الأخيرة، ودخل على إثرها المستشفى، إن كشف نجله إصابته بالسرطان، وطلب من الجميع الدعاء له بالشفاء العاجل.

كتبت نجلاء الناظر، ابنه الدكتور هاني الناظر، عبر حسابها الشخصي على موقع التواصل الاجتماعي 'فيس بوك': قائلة: 'أنا بشكر أي حد بيسأل على والدي أو حابب يتطمن عليه، وبشكركم على دعائكم ليه، أنا يجيلي رسائل كتير جدا يوميًا فيه سؤال عنه وعن أحواله الصحية'.

وعن حالته الصحية قالت: 'في الواقع هو وضعه الصحي صعب و تعبان جدا ومحتاج لدعاء كل حد، لكن صعب أرد على رسائل يوميا لأن الوضع صعب تقييمه قبل ما يمر وقت طويل من العلاج، يعني مش قبل 3 أشهر على الأقل أو أكتر عشان نقدر نقول فيه تحسُّن'.

وتابعت: 'السرطان مرض صعب وبياخد وقت طويل جدا في العلاج، اعتقد الكل عارف ده، يعني مش دور برد ممكن يتحسن في يوم أو اتنين أو حتى أسبوع، يعني لما حد يسألني و بعدها بكام يوم يسألني تاني، هيكون في الاغلب نفس الرد للأسف، وساعات بيكون أسوأ فأنا بعتذر أني مش بقدر أرد على كل الرسائل وصدقوني الموضوع مرهق و متعب جدا مجرد الكلام فيه، يعني بيكون صعب عليا أفضل أشرح لكل حد مدى تعبه وهو عامل إزاي ده في حد ذاته شيء مؤلم'.

وأضافت: 'محدش متخيل هو عامل ازاي دلوقتي للأسف، واتأكدوا لو في أي تطور للأحسن، مش هنخبي على حد، هنقول لكل الناس، وهو بنفسه بإذن الله هيبقى أول واحد يكتب على صفحته، ربنا يديله الصحة واليوم ده يجي بسرعة أوي'.

وأنهت حديثها قائلة: 'أنا بعتذر جدا جدا لكن حقيقي الموضوع صعب أوي نفسيا علينا كلنا، أنا مُقدّرة شعور كل الناس وممتنة جدا لأي حد يسأل عنُّه، شعور جميل و لفتة جميلة جدا من كل اللي بيسأل بشكل متواصل لكن هيكون صعب عليا حقيقي الرد حاليا، خصوصا أننا في أشد مراحل المرض، فقط أرجو الدعاء له لأنه في أشد الحاجة إليه'.