فتاة تزعم دخول الجن بيتها عن طريق ملابس جديدة

نشرت فتاة تدعى مريم مقطع فيديو على تيك توك تروي فيه تجربة مروعة مرت بها لها علاقة بالجن والعفاريت، زاعمة أنها مرتبطة بقميص أخضر كانت قد اشترته من وكالة البلح منذ 6 سنوات، وما زاد الأمر غرابة هو الأشخاص الذين شاركوها تجارب مماثلة بالتعليقات.

بسبب تيشيرت من الوكالة.. فتاة تزعم: الجن عايشين معايا وبيخرجولي من الحمام لابسين عبايات سودا

بدأت مريم الفيديو بتحذير لمتابعيها: هتعمل إيه لو عرفت إن بتيشرت واحد من الوكالة.. ـنت كدة دخلت الجن بيتك بإيدك؟.

ثم سردت مريم ما حدث منذ البداية، موضحة أن الأمر بدأ منذ 6 سنوات عند انتقالها مع عائلتها إلى شقة إيجار جديد: الوكالة بدأت تبقى تريند خلال 4 سنين من 2019 لحد 2021، عشان كدة روحت جربت اشتريت حاجات كتير، من ضمنهم تيشرت أخضر، أول ما جه أنا مفكرتش كتير خدته من شنطته من غير ما أغسله ولبسته.

وأضافت: هنا كانت بداية كل حاجة كأني دوست على زرار فتحلي عالم تاني، وكأني شايفة كل حاجة مش متشافة لغيري.

وتابعت حديثها قائلة: أنا كنت نايمة لقيت باب الحمام اتفتح وحد دخل، وبعدها بساعتين الباب اتفتح تاني ببص لقيت صف كامل معدي لكائنات لابسة قفاطين وعبايات سودا ومغطيين وشهم وجسمهم خارجين من الحمام، حد لمس وشي وقالي في ودني اعتبري نفسك مشوفتيش اللي حصل ده، عشان هتندمي.

وأشارت إلى أن الوضع استمر حتى بدأ يخرج عن السيطرة، ورأت عائلتها مشاهد مريبة، حتى شاهدت في يوم من الأيام القميص الذي اشترته يخرج من الدولاب، وتظهر من خلاله ذراع تحترق ويقطر منها الدماء.

وأكملت: في يوم جالنا تليفون من حد قريبنا وقالنا كل اللي بيحصل معايا وشوفناه، وإحنا مكناش حكينا حاجة، واكتشفنا بعدين إن التيشيرت اللي أنا جبته ده طلع بتاع واحدة ماتت أثناء حريق.